• Linkedin
  • Pinterest
  • Google +
  • Vimeo
  • Youtube
  • Mail
Feb
14

2013

Carnavalsgediech



Zoelang doorde t verheuge, en zoe snel waor t weer veurbij,
‘nne carnaval met vrun mer toch deks alleijn.
Volle glaazer beer, maakte miech nog ’n bitteke blij,
Mer d’n gemis doog miech steeds mie pijn.

Aon t begin vaan de aovend voolt iech miech sterk,
De luij waore vruntelijk en lachte um mien pak,
Iech raakte aon de praot met ‘nne verkleijde bissjop vaan de kerk,
Dee, sjus wie iech, leever ’n pilske dronk daan cognac.

Iech dag dat iech ‘nne lotgenoot gevoonde had,
Dee miech begreep en kos luustere naor mien leeve.
Mer iech had de mins helaas euversjat,
R leep weg en kos miech geine truus geeve.

Iech waor t wel gewind,
Hoop te creeere en t daan te motte laote valle,
Terwijl t altied zoe sjoen begint,
mer iech zal t zelf allemaol wel verknalle.

T weurt later en later, en iech bin nog steeds met miechzelf
In de knijnspiep huur iech lenie mente zinge,
Mer door n hermenie verstaon iech r mer veur de helf,
Aon huire meziek hub iech sjoen herinneringe.

Veer waore met z’n twieje verkleijd es ingelepaar,
Boekpijn vaan t lache en te leek allemaol zoe gewoen
De nachte waor laank en v’r waore onvermeuijbaar,
En um de vief minuute gaove v’r elkaar ‘nne poen.

Mer diech gings d’r aoch vaandoor, sjus wie de bissjop,
Wiezoe? Dat weit iech nog steeds neet.
De leets miech achter bij de posthoorn op de stop,
Met bevroore tiene en ’n hart vol verdreet.

Noe, twie jaor later, zit iech weer op tzelfde stupke,
Eeve kaajt en met tzelfde geveul
Achter miech vertild ’n dikke ’n mupke
Euver ‘nne bekker oet Geulle.

Iech laop naor binne um n pilske te pakke
De kastelein en z’n gaste loere ‘ns op
En iech huur ze zeige, dee heet ’n stuk in z’n hakke
Jao, iech hub inderdaad al ‘nne sjwoere kop.

Iech laot de barmaan t geld oet mien beurs zeuke,
Want zelf tille dat luk neet mie
De trein vertrek euver ’n haaf eurke,
Dus iech gaon mer ‘ns euver n minuutsje of twie.

Iech sjeigel door de stationstraot riechting stasie,
Op zeuk naor nne prollebak boe nog gein leeg glaas beer op steit,
Bij eedere stap rammelt mnne sambabel in volle gratie,
Esof iech plezeer hub in plaots vaan leid.

De trein naor Bun steit al veur miech klaor,
Nog eeve gaw ’n treinkeertsje kaope
En daan is t genoog gewees veur dit jaor
Carnaval 2013 is aofgelaope



One Response to “Carnavalsgediech”

this field is required 24 november 2015

sjiek maan

Geef een reactie

Het e-mailadres wordt niet gepubliceerd. Verplichte velden zijn gemarkeerd met *


Deze website gebruikt cookies om bezoekerstatistieken te meten via Google Analytics. We vragen je eenmalig hiervoor toestemming te geven. Klik hier voor meer informatie.

Via mijn website wordt een cookie geplaatst van het Amerikaanse bedrijf Google, als deel van de “Analytics”-dienst. Ik gebruik deze dienst om bij te houden en rapportages te krijgen over hoe bezoekers de website gebruiken. Google kan deze informatie aan derden verschaffen indien Google hiertoe wettelijk wordt verplicht, of voor zover derden de informatie namens Google verwerken. Ik hebb hier geen invloed op. De informatie die Google verzamelt wordt zo veel mogelijk geanonimiseerd. Uw IP-adres wordt nadrukkelijk niet meegegeven. De informatie wordt overgebracht naar en door Google opgeslagen op servers in de Verenigde Staten.

Sluiten